**Ex-Amazon engineer gets three years for hacking DeFi platforms

decentralized finance platform ၂ ခုကို hack ခဲ့ပြီးတော့ ဒေါ်လာသန်းပေါင်းများစွာ တန်ကြေးရှိတဲ့ cryptocurency တွေကို ခိုးယူခဲ့သူ အသက် ၃၄ နှစ် အရွယ် Shakeeb Ahmed ဆိုသူ ကတော့ ထောင်ဒဏ် ၃ နှစ် ကျခံရပြီ ဖြစ်ပါတယ်။ (သူက အရင်တုန်းက Amazon.com မှာ software engineer အဖြစ် အလုပ်လုပ်ခဲ့သူပါ)

ဒီအမှုအတွက် သူ့ကို ခရိုင်တရားသူကြီး Victor Marrero က ပြီးခဲ့တဲ့ သောကြာနေ့မှာ စီရင်ချက် ချခဲ့တာ ဖြစ်ပါတယ်။ DeFi platform တွေမှာ fake pricing data တွေထည့်သွင်းဖို့ ကြိုးစားပြီး hack ခဲ့တာ ဖြစ်ပါတယ်။ ဒီနည်းလမ်းနဲ့ US$ ၁၂သန်းလောက်ကို သူ့ရဲ့ wallet ထဲကို ရယူခဲ့တာပါ။ DeFi platform တွေကို smart contracts တွေလို့ ခေါ်ပါတယ်။ ကြိုတင်သတ်မှတ်ထားတဲ့ အခြေအနေတွေနဲ့ ကိုက်ညီသွားတဲ့အခါ ငွေပေးငွေယူကိစ္စတွေကို အလိုအလျောက် လုပ်ဆောင်ပေးတဲ့ ကွန်ပျူတာပရိုဂရမ်တွေ ဖြစ်ပါတယ်။ သူ hack ခဲ့တဲ့ platform ၂ ခုထဲမှာ တစ်ခုကိုတော့ အစိုးရရှေ့နေတွေကို ဖော်ထုတ်နိုင်ခြင်း မရှိသေးပါဘူး။ သို့သော်လည်း အချက်အလက်တွေအရတော့ Crema Finance လို့ ပြညွှန်နေပါတယ်။ ကျန်တဲ့တစ်ခုက Nirvana Finance ဖြစ်ပြီးတော့ သူ hack ခဲ့တာ 2022 July ကတည်းကပါ။ သူ hack ပြီးတဲ့နောက် ပိတ်သွားလိုက်ရတဲ့ Finance ပါ။ အမှုကို ခုမှ စီရင်ချက်ချနိုင်ခဲ့တာ ဖြစ်ပါတယ်။

Ahmed သည် Amazon မှာတုန်းက cybersecurity ပိုင်းမှာ အလုပ်လုပ်ခဲ့သေးပြီး company ရဲ့ bug bounty program ပိုင်းမှာ သူက ခေါင်းဆောင် ဖြစ်ပါတယ်။ Bug Bounty Program ဆိုတာက software တွေရဲ့ vulnerability တွေကို ရှောဖွေဖော်ထုတ်ပြီး report တင်လာမှုပေါ် ဆုကြေးငွေ ပြန်လည်ချီးမြင့်တဲ့ အစီစဥ်မျိုး ဖြစ်ပါတယ်။

ဒီပြစ်မှုမျိုးအတွက် ထောင်ဒဏ် ၄ နှစ် ချမှတ်ဖို့ အစိုးရရှေ့နေတွေက အကြံပြုခဲ့ကြပါတယ်။ သို့သော် Ahmed က သူ ရယူထားတာတွေကိုလည်း ပြန်ပေးခဲ့တဲ့အပြင် အပြစ်ကိုလည်း ဝန်ခံခဲ့ပြီး တာဝန်ယူခဲ့မှုကြောင့်ရယ်၊ ရယူထားသော ငွေကြေးတွေထဲကနေ သူ့ရဲ့ ညီမတစ်ဦး ဆေးကုသမှုအတွက် လိုအပ်တာတွေလောက်ကိုသာ ထုတ်ယူသုံးခဲ့တာကြောင့်ရယ်ကို Ahmed ရဲ့ ရှေ့နေတွေက ထောက်ပြနိုင်ခဲ့တာကြောင့် ထောင်ဒဏ် ၁ နှစ် လျော့သွားခဲ့တာ ဖြစ်နိုင်ပါတယ်။ Ahmed က ဆော်ဒီအာရေးဗီးယား ကနေ ပြောင်းလာခဲ့သူဖြစ်ပြီး ပြစ်မှုကျူးလွန်ချိန်မှာ စိတ်ကျန်းမာရေး ထိခိုက်နေကြောင်းလည်း ချေပကြပါသေးတယ်။

Ahmed ကိုယ်တိုင်ကတော့ ဒီလိုပြောခဲ့ပါတယ်။ "Filled with shame and disappointment," သူ့လုပ်ရပ်က ရှက်စရာ၊ စိတ်ပျက်စရာတွေနဲ့ ပြည့်နေခဲ့ပါတယ်တဲ့။ "It was more akin to a cheat code in a video game than a hack that undermined the financial system," ဒါပေမဲ့လို့ ဒါက ငွေကြေးဆိုင်ရာ စနစ်တစ်ခုကို Hack တယ်ဆိုတာမျိုးထက် ဗီဒီယိုဂိမ်းတွေထဲမှာ cheat ပြီးဆော့တာမျိုးလောက်ပါပဲလို့ ဆိုခဲ့ပါသေးတယ်။

ဒါပေမယ့် ဒါကိုတော့ အစိုးရရှေ့နေတွေက သဘောမတူခဲ့ပါဘူး။ Ahmed ကို ထောင်ဒဏ် ၄ နှစ် ချဖို့ပဲ တောင်းဆိုခဲ့ကြပါတယ်။ နောက်ဆုံးမှာတော့ ဒီဂျစ်တယ်ခေတ်မှာ ရာဇဝန်မှုတွေသည် နောက်ဆက်တွဲ အကျိုးဆက်တွေကိုပါ သယ်ဆောင်လာနိုင်ကြောင်း ပြင်းထန်တဲ့ သတိပေးချက်အဖြစ် နမူနာ ဆိုတဲ့ ပုံစံမျိုးနဲ့ ထောင်ဒဏ် ၃ နှစ် ကျခံစေဖို့ တရားသူကြီးက ဆုံးဖြတ်ခဲ့တာ ဖြစ်ပါတယ်။ ဒီအဖြစ်ကနေ သင်ခန်းစာ ယူနိုင်ဖို့ လိုပါတယ်။ Behind every line of code lies the potential for both creation and destruction. ကုဒ်လိုင်းလေးတွေရဲ့ နောက်ကွယ်မှာ ဖြစ်နိုင်တဲ့အလားအလာ ၂ ခု ရှိနေပါတယ်။ ဖန်တီးမှာလား ဖျက်စီးမှာလား ဆိုတာကိုတော့ သင့်ရဲ့ ကိုယ်ကျင့်တရားနဲ့ ဆုံးဖြတ်ရမှာပါပဲ။

Ref: *Bloomberg*

---

ဒီဂျစ်တယ်နယ်ပယ်မှာ လူကောင်းတွေ၊ လူဆိုးတွေရှိကြပါတယ်။ ဘယ်သူက လူကောင်းလဲ၊ ဘယ်သူက လူဆိုးလဲဆိုတာကို အပေါ်ယံလောက်နဲ့ ကြည့်ပြီး ဆုံးဖြတ်လို့ မရနိုင်ပါဘူး။ ဒါကြောင့်မို့ သတိ နဲ့ အသိ ရှိနေဖို့ လိုအပ်ပါတယ်။ 🕵️‍♂️💻🔍

Thank You for reading here. `